Ambasadori amerikan në Beograd Michael Kurby për shtypin serbe ka zbuluar se kryeministri i Kosovës Isa Mustafa dhe ai i Serbisë Aleksandar Vuçiç do të takohen më 27 janar të vitit që vjen. Diplomati i ShBA në Serbi nuk tregoi për temat që do të trajtohen me këtë rast.
Deri më atëherë mendohet se Gjykata Kushtetuese e Kosovës do të konstatojë kushtetutshmërinë ose jo të Marrëveshjes së 25 gushtit që ka të bëjë me krijimin e Asociacionit të Komunave Serbe, transmeton Koha.net. Beogradi zyrtar po insiston në zbatimin e plotë të kësaj Marrëveshjeje.
