Rreth 700 shqiptarë nga Kumanova ndodhen në Luginën e Preshevës. Kjo është bërë e ditur nga kryetari i komunës Ragmi Mustafa, i cili shprehet se krahas këtij numri komuna është e gatshme të presë edhe të tjerë shqiptarë që po largohen nga Kumanova për shkak të situatës së jashtëzakonshme.
“Të gjitha strukturat komunale janë të angazhuara dhe të përgatitura për të pranuar edhe një numër më të madh të njerëzve nga Kumanova, nëse ka nevojë për këtë gjë”, tha Mustafa
Së bashku me Mustafën, pikën kufitare e kanë vizituar edhe përfaqësuesit e Kryqit të kuq, OSBE-së, dhe trupi koordinativ për jugun e Serbisë.
