Fernando Muslera, portieri i Galatasarayt dhe i kombëtares së Uruguait ka pësuar shumë gola në karrierën e tij, por ai preferon të kujtojë në veçanti një realizim që i ka mbetur në kujtesë.
Është një shqiptar ai që ka arritur të kalojë gardianin amerikano-jugor me një gol që për Muslerën mbetet më i bukuri që i kanë shënuar. Bëhet fjalë për golin e realizuar nga Alban Meha në ndeshjen e 29 gushtit mes Konyaspor dhe Galatasaray kur mesfushori kuqezi e kaloi topin pas krahëve të ish portierit të Lazios.
Këtë deklaratë Muslera e bëri gjatë një “Quizi” për një spektakël televiziv në Turqi. 29-vjeçari i lindur në Mitrovicë u transferua te turqit e Konyaspor në merkaton e verës ku po rezulton një nga pikat kyçe të formacionit të drejtuar nga trajneri Aykut Kocaman.
Supersport
