Myslym Murrizi ishte i ftuar në studion e “Off the Record” me Andrea Dangllin, në A2 CNN, kritikoi punën e SPAK-ut, duke u shprehur se më shumë po punon për statistika.
“Prokuroria e Posaçme ka punuar për statistika. Ka arrestuar deri tani 6 herë Lefter Kokën. Ai në burg është… Unë në fakt nuk jam për burg, për asnjërin. Merri çfarë kanë vjedhur dhe çoi të korrin jonxhë në Çermë. Dhe hiqja mundësinë për të pasur funksione publike dhe politike”, tha Murrizi.
“Për çdo incinerator, arrestohet Lefter Koka. Ai në burg është, në Durrës. Kanë lajthitur këta apo tallen? Për çfarë e bëjnë? Për statistikë? Thonë pastaj kemi arrestuar 517 veta. Pjesëtoji për 6 herë që janë arrestuar, i bie 80 veta. Shkon dot te Rama ti?”, shtoi Murrizi.
