Kryetari i Partisë Demokratike, Lulzim Basha deklaroi se PD ka depozituar zyrtarisht në Kuvend amendamentet kushtetuese në lidhje me tre prioritete absolute. Në një konferencë për mediet, Basha tha se këto tri çështje kryesore janë: Reforma Zgjedhore, Reforma Territoriale dhe vetingu i politikanëve.
I ftuar në Spotlight nga Alban Dudushi, në Vizion Plus, kryetari i Lëvizja Demokratike Shqiptare, Myslim Murrizi u shpreh se është ai i cili ka kaluar 7 ligje të reformës në Drejtësi, në kohën kur lideri Lulzim Basha i la në gjysmë.
“Unë kam kaluar 7 ligjet e Reformës në drejtësi që Basha i la në gjysmë, në dy vite e gjysmë. I kam votuar me koshiencë, pa pyetur kombëtar e ndërkombëtarë. Stërgjyshi, katragjyshi më ka lind këtu dhe unë e kam ndërmend të rri këtu. Dhe unë nuk jam nga ato politikanë që dhjaksen për një vizë.”
Lidhur me amendamentet e dërguara në Kuvend, Murrizi kërkon të bëhen publike.
“Ky duhet të bëjë publike se çfarë ka dorëzuar në Kuvend. Se, në Kuvend nuk dorëzohen dokrra pazari. Duhet për të ndryshuar Kushtetutën. Duhen 28 firma deputetësh.”
Gjatë debatit me anëtarin e Këshillit Kombëtar të PD-së, Roland Bejkon, Murrizi iu drejtua se ky i fundit nuk u bë deputet pasi ishte ish-kreu i PD-së Sali Berisha që nuk donte.
Myslim Murrizi: Lulit i ka ardh rehat që ta shiste Jozefinënë, Ridvanin, Landin… edhe Landin mo Landin. Nuk e vuri deputet se s’deshi Berisha.
Roland Bejko: Mua s’ma ka thënë, por e kam menduar
Myslim Murrizi: Po herën e dytë, kush ta futi ty?
Roland Bejko: Të dy ma futën.
Në debat është përfshirë edhe ish-deputeti i PD-së, Klevis Balliu. Bejko i është drejtuar këtij të fundit se PD-në e kanë drejtuar dy kryetar si Basha edhe Berisha. Për të provuar diçka të tillë, Balliu kërkoi deklarim të vetë z.Basha lidhur me këtë çështje.
Klevis Balliu: Unë, zotëri kam patur kryetar partie Lulzim Bashën. Nuk kam patur Foltoren, as Sali Berishën, as njeri tjetër.
Roland Bejko: Se unë kam pasur dy kryetar partie. Kam patur dhe Sali Berishën dhe Lulzim Bashën
Klevis Balliu: Lulzim Basha, në qoftë se kjo që thua ti është e vërtetë të dalë atje dhe të thotë, zotëri, këto tetë vite unë skam drejtuar. Të dalë ta thote. Po, se tha këtë ka drejtuar vetë.
/a.r
