Ish-deputeti Myslim Murrizi shpreh zhgënjim për dekretin e Presidentit Bajram Begaj, për datën 9 nëntor për mbajtjen e zgjedhjeve në Tiranë.
Duke folur për emisionin “Zonë e Lirë” në MCN TV, ai e cilëson si lajthitje të kreut të shtetit, por nuk përjashton se zgjedhjet për kryeqytetin do mbahen në 9 nëntor.
Sipas tij, vendimi përfundimtar do të jepet në 31 tetor kur Gjykata Kushtetuese do shqyrtojë çështjen në themel dhe do të thotë që shkarkimi i Erion Veliaj është në përputhje me Kushtetutën.
Ai shtoi se në gjykimin me themel, anëtarët e Kushtetueses do të rreshtohen rresht.
Presidenti më zhgënjeu shumë nuk duhet ta bënte, Presidenti thotë shko në Gjykatën Administrative, ndoshta e sheh më të madhe si godinë. Ishte një lajthitje.
Kushtetuesja vendosi 9 me 0, se e panë që ishte një shkelje flagrante e hapur. Nuk është vendim përfundimtar, vendimi përfundimtar është në datë 31 tetor kur do gjykohet në themel shkarkimi i Erion Veliaj.
Këta bënë vendim të ndërmjetëm dhe në 31 tetor do bëhet gjykimi me themel i shkarkimit të Veliajt.
Nëse në 31 tetor Gjykata Kushtetuese do thotë që shkarkimi është në përputhje me Kushtetutën, zgjedhjet do mbahen në datë 9 nëntor. Janë zgjedhje të pjesshme.
Mendoj se në gjykimin me themel do rreshtohen rresht. Ata lanë duart me Begaj që bëre gabim që i dekretove zgjedhjet pa u shprehur ne.
Gjykimi me themel do i japë të drejtë Ramës, ke qenë në kushte normale për ta shkarkuar. Në datë 31 do shqyrtohet shkarkimi që bëri Rama. Vendimi i Këshillit Bashkiak ishte nul.
U rrëzua dekretimi i datës së zgjedhjeve pa marrë formë të prerë shkarkimi.
