Një murgeshë çeke e quajtur Mikaela Kubiçkova, e cila jeton prej dhjetë vjetësh në Shkodër në Kuvendin e motrave saleziane, ka bërë këtë postim në Facebook:
“Miq të mi shqiptarë 🙂 Nuk mundem mos me dit çfarë u ndodhi dje turistëve të vendit tim… Dua të dini që në Çeki – kështu si edhe këtu – flitet sot tanë ditë për ngjarjen… por përveç fatkeqësisë dhe gjykimit të kriminelëve… flitet në Çeki shumë edhe për popullin shqiptar dhe për zemërmirësinë e tij me të cilën përjeton ngjarjen si tragjedi kombëtare… kriminelët mbeten të tillë, por ju jeni të shikuar me mirënjohje dhe simpati 🙂 Kështu dëgjova prej nënës sime dhe kështu jam e sigurt që edhe është 🙂 Zoti e bekoftë gjithmonë tokën dhe popullin tonë shqiptar”.
