Aktori i njohur turk Murat Yıldırım dhe bashkëshortja e tij, aktorja marokene dhe ish-Miss Iman Elbani, kanë mirëpritur fëmijën e tyre të dytë.
Lajmin e bukur çifti e bëri publik në rrjetet sociale përmes një fotografie, ku të dy shfaqeshin të buzëqeshur me djalin e porsalindur në krahë.
“Mirë se erdhe në botë, djali ynë Kerem”, shkruan ata në postim. Murat dhe Iman falënderuan gjithashtu Zotin për bekimin e familjes, ndërsa shprehën dëshirën që vogëlushi t’u sjellë lumturi dhe gëzim.
Njoftimi u prit me entuziazëm të madh nga fansat, të cilët kanë ndjekur prej vitesh historinë e dashurisë dhe jetën familjare të çiftit.
Murat Yıldırım dhe Iman Elbani janë të martuar që nga viti 2016. Historia e tyre ka qenë vazhdimisht në vëmendjen e publikut edhe për shkak të origjinës së ndryshme të partnerëve: Murat është turk, ndërsa Iman vjen nga Maroku.
Përpara ardhjes në jetë të Keremit, ata ishin bërë prindër të një vajze, Miray, e lindur në tetor të vitit 2022.
Me lindjen e djalit të tyre, familja është zgjeruar sërish, duke shënuar nisjen e një etape të re në jetën e aktorit dhe bashkëshortes së tij./ TAR
