Për situatën ekonomike në vend, analisti Shpëtim Nazarko deklarom se çdo gjë i referohet qeverisë së Edi Ramës.
Në emisionin “Arnautistan” të Mustafa Nanos, ai ngriti një pyetje me trishtim, se pse elita nuk ndërhyn.
“Dakord Rama bën këtë, që qeveria e tij është turmë grash pa asnjë vlerë dhe send.
Rama dhe Berisha në këto 30 vjet nuk kanë shkruar një artikull të vetëm ku do e çojnë këtë vend, shoh me hidhërim se në shoqëri dhe në shtyp mungon ajo që quhet elitë kombëtare.
Kush na ndalon ti themi me të urtë dhe të butë, pse si bën fotovoltaikët, pse nuk e bën hekurudhën Tiranë-Prishtinë, për të sjellë minerale.
Hekurudha që po bën tani, është e gabuar. Porti i Vlorës me thellësi 54 metra, është nga më të mëdhenjtë e Mesdheut, prej saj mund të lëvizësh mallrat prej asaj që e kam quajtur korridori tretë.
Me linjën hekurudhore mund të merrnim jo vetëm plazhistët, por edhe minerale, si qymyri. Kush e pengon elitën kombëtare që me të urtë dhe të butë ti thotë Ramës që këto fotovoltaikët që na thua t’i vendosim në tarraca, pse nuk ke bërë ndonjë politikë, po na thua tani.
Kush i pengon ekspertët e bujqësisë që ti thonë që me këtë copëzim tokash, jo që nuk eksporton 1 miliardë, po do i helmosh me produkte nga jashtë”, tha Nazarko.
Ai hoqi paralele duke thënë se tek Vladimir Putin mund të vesh re periudhën që kemi jetuar ne në kohën e Enver Hoxhës që nuk flisnim dot për asgjë, por shtoi se në Rusi ndryshe nga ne, mund të shohësh emisione ku elita flet për probleme ekonomike dhe probleme të tjera, dhe reflektohet edhe në shtyp.
“Më thuaj një emision, se sa janë emisionet dhe studiot e mëdha që kanë marrë në analizë probleme që lidhen me bujqësinë dhe ekonominë.
Në Vlorë, në kanionet e Nivicës mund të vesh për 12 kilometër në Borsh, mund të çosh qumështin nga lart, mishin nga lartë, për të ushqyer turistët.
Tema të kësaj natyre do e vinin në vështirësi qeverinë se do e nxirrnin zhveshur, se nuk jemi në kohën e diktaturës së qeverisë së Berishës dhe Ramës.
Na e solle historinë e anijeve me qymyr, por na thuaj pse nuk e ke shfrytëzuar energjinë diellore për 10 vjet, pse nuk e shfrytëzon këtë idenë me Kosovën.
Berisha thoshte duhet lidhur truri i energjisë tonë me të Kosovës për të furnizuar ata me termocentralet, ne me hidrocentralet.
Ne mund ti themi qeveri maskaraçkë dhe jo budallaçkë. Nëse dalin njerëz që kanë ndikim në popull dhe thonë me të butë probleme të mëdha, qeveria shtrëngon dhëmbët.
Nëse dalin të tjerë që si njeh, qeveria i shfrytëzon këta për të thënë se ka demokraci.
Që të mbash elitë kombëtare, duhet ta mbajë ose mbreti, ose pasanikët e saj, pasanikët prodhues, të cilët e shohin shtetin e vet, si shtëpinë e vetë.
Një pasanik prodhues në momentin që ka humbur prodhimet e veta, ka humbur shtëpinë e vet. 99% të pasanikëve tanë i kemi tregtarë”, tha Nazarko.
g.kosovari
