Edhe pse na ndajnë vetëm dy ditë nga zhvillimi i zgjedhjeve, partitë politikë nuk kanë dorëzuar emrat e anëtarëve të KQV. Komisioni Qëndror i Zgjedhjeve ka ngritur alarmin duke deklaruar se procesi po vihet në rrezik.
“Procesi zgjedhor po vihet në rrezik nga partitë, pasi nuk po depozitojnë emrat e komisionerëve, 16 KZAZ nuk kanë përmbyllur procesin. I kërkojmë partive politike të mos pengojnë procesin zgjedhor dhe të mos bëhen pengesë”, deklaroi zëdhënësja e KQZ-së.
KQZ u bën apel partive që të dorëzojnë në mënyrë urgjente listat emërore.
“16 KZAZ nuk kanë përmbyllur listat me komisionerë. U bëjmë apel partive që të dorëzojnë në mënyrë urgjente listat emërore që të vijohet normalisht me procesin zgjedhor”
Deklarata e plote
Në zbatim të nenin 100 të Kodit Zgjedhor, nesër, ditën e shtunë, fillon shpërndarja e materialeve zgjedhore nga KZAZ-të drejt Qendrave të Votimit, procesi i cili duhet të përmbyllet 15 orë para hapjes së votimit.
Ky proces i rëndësishëm po vihet në rrezik partitë politike të cilat nuk po depozitojnë propozimet për komisionerët e qendrave të votimit.
Edhe pse jemi në limitet e fundit kohore për të bërë emërimet e komisionerëve të qendrave të votimit, nga informacioni i përditësuar rezulton se 16 KZAZ nuk kanë përmbyllur emërimet e anëtarëve të KQV-ve. Konkretisht:
1- Qarku Shkodër, nuk kanë emëruar anëtarët e KQV-ve;
KZAZ 2 – PS, PD, PR nuk kanë dorëzuar listën emërore me dokumentacionin shoqërues për komisionerët.
KZAZ 3 – PR nuk ka dorëzuar listën emërore me dokumentacionin shoqërues për komisionerët.
KZAZ 4 – PD,PS nuk kanë dorëzuar listën emërore me dokumentacionin shoqërues për komisionerët.
KZAZ 5 – PD, PS, PR nuk kanë dorëzuar listën emërore me dokumentacionin shoqërues për komisionerët.
2- Qarku Lezhë, nuk kanë emëruar anëtarët e KQV-ve;
KZAZ 12 dhe KZAZ 13 – PR nuk ka dorëzuar listën emërore me dokumentacionin shoqërues për komisionerët.
2- Qarku Elbasan, KZAZ të cilat ende nuk kanë emëruar anëtarët e KQV-ve.
KZAZ 47-48-50 – PD, LSI, PS, PR nuk kanë dorëzuar listën emërore me dokumentacionin shoqërues për komisionerët.
KZAZ 49 – PD nuk ka dorëzuar listën emërore me dokumentacionin shoqërues për komisionerët.
3- Qarku Durrës, nuk kanë emëruar anëtarët e KQV-ve;
KZAZ 21- PD, LSI, PS, PR nuk kanë dorëzuar listën emërore me dokumentacionin shoqërues për komisionerët.
KZAZ 22, KZAZ 23, KZAZ 24 – PR nuk ka dorëzuar listën emërore me dokumentacionin shoqërues për komisionerët.
4- Qarku Fier, nuk kanë emëruar anëtarët e KQV-ve;
KZAZ 56 – PD, PR, nuk kanë dorëzuar listën emërore me dokumentacionin shoqërues për komisionerët.
5- Qarku Korçë, ende nuk kanë emëruar anëtarët e KQV-ve;
KZAZ 67 – PD, PS, PR nuk kanë dorëzuar listën emërore me dokumentacionin shoqërues për komisionerët.
Komisioni Qendror i Zgjedhjeve i kërkon partive politike që të mos bëhen pengëse për administrimin e procesit zgjedhor, dhe të dorëzojnë urgjentisht listat emërore për komisionerëte QV-ve me dokumentacionin përkatës pranë KZAZ-ve të sipërcituara.
a.ç
