Ambasada Amerikane ka bërë njoftimin e rëndësishëm, ku thekson se kërkon aplikantë të kualifikuar për punë.
Ambasada e ka bërë njoftimin në faqen zyrtare në Facebook, ku shkruan se kërkon punonjës që përmbushin kriteret për pozicionet e Nënpunësit për Hetimet mbi Mashtrimet në Zyrën Konsullore dhe të Mbikëqyrësit për Transportin në Zyrën e Shërbimeve të Përgjithshme.
“Doni të punoni me ne? Mundësi punësimi! Ambasada Amerikane në Tiranë po kërkon aplikantë të kualifikuar dhe që përmbushin kriteret për pozicionet e Nënpunësit për Hetimet mbi Mashtrimet në Zyrën Konsullore dhe të Mbikëqyrësit për Transportin në Zyrën e Shërbimeve të Përgjithshme”, thuhet në njoftim./a.ç
