Një periudhë e veçantë fillon për qindra miliona myslimanë të cilët nisin muajin e Ramazanit në mbarë botën. Dhjetëra sirianë u mblodhën në çatinë e Shoqatës Astronomike siriane në Damask për t’iu bashkuar ngjarjes vjetore që zhvillohet në disa qytete të tjera.
“Të shikosh gjysmëhënën e Ramazanit ka një rëndësi shpirtërore. Na pëlqen ta shohim atë drejtpërdrejt nëpërmjet teleskopëve me anëtarët e shoqatës.”
Ramazani i këtij viti vjen në mes të një krize të vështirë ekonomike që ka përfshirë vendin e shkatërruar nga lufta.
Këshilli i Sigurimit i Kombeve të Bashkuara në Neë York bëri thirrje për një zbutje të tensioneve izraelito-palestineze. “U bëj thirrje udhëheqësve nga të gjitha palët që të ndihmojnë në qetësimin e situatës dhe të shmangin përhapjen e retorikës nxitëse”, tha Tor Ëennesland, koordinatori special i Kombeve të Bashkuara për procesin e paqes në Lindjen e Mesme.
Ka pasur përplasjetë vazhdueshme midis izraelitëve dhe palestinezëve në muajt e fundit. 85 palestinezë janë vrarë nga forcat izraelite gjatë këtij viti. Ndërkohë, sulmuesit palestinezë kanë vrarë 15 izraelitë, sipas një raporti nga Associated Press.
Nga ana tjetër dyqanet në Egjipt janë të mbushura me fenerë të ndezur dhe dekorime për Ramazanin , por blerësit janë të paktë pasi luftojnë me vështirësitë ekonomike për shkak të rritjes së inflacionit dhe një monedhe vendase më të dobët.
“Unë dëshiroj që qeveria do të na ndihmojë të zhvillojmë produktin tonë vendas. Ne po përballemi me konkurrencë të pandershme, sepse produktet e importuara vijnë me cilësi shumë të ulët.”
Vitin e kaluar zona ishte më e mbushur me njerëz aq sa disa rrugë ishin të pakalueshme, por rritja e çmimeve ka bërë që njerëzit të frenojnë blerjet e tyre për muajin e shenjtë të Ramazanit. Ekonomia e Egjiptit ka qenë nën presion të madh gjatë vitit të kaluar, pasi pasojat e pushtimit rus të Ukrainës ekspozuan problemet themelore.
E njëjta situatë mbetet edhe në kryeqytetin e Bangladeshit Dhaka teksa njerëzit përballen me inflacion të lartë për muajin mysliman të Ramazanit . Agresioni rus edhe në këtë shtet ka shkaktuar pasoja negative që ka sjellë rritje të çmimeve në ekonominë e Azisë Jugore që tashmë po lufton me mungesat e energjisë.
/a.r
