Kreu i LZHK-së, Dashamir Shehu e cilësoi drafti paraprak të PS-së shumë burokratik dhe është skeptik për rezultatet e tij. Në emisionin “45 minuta”, në Report Tv, Shehi u ndal tek pikat, për të cilat theksoi është i bindur se do të mbeten thjesht në letër.
“Mua s’më ngrof drafti i PS, i është besuar një rrjeti burokratik. Nëse do të ndaleshim te pika që ndalohen donacionet mbi 30 mijë lekë cash, kur nuk është bërë përmes transaksioneve bankare dhe dënohet me një gjobë të barabartë kjo do bëjë që unë që dua të marr tenderin s’do ia cojë me faturë. Do ia cojë te shtëpia, paratë po t’i jap tani dua tenderin. Merri futi 4-5 vjet burg dhe pastaj “frika do ruajë vreshtin”. Ky draft nuk zgjidh asnjë problem”, tha Shehu.
Sakaq, ai ka zbuluar hapat që do të ndjekë opozita e bashkuar, nga të cilat tha se janë të rëndësishme, pasi do të përcaktojnë nëse palët do të arrijnë drejt një marrëveshjeje, sipas tij në të mirë të vendit, apo opozita do të vijojë me protestat për të realizuar qëllimin e saj, largimin e kryeministrit Edi Rama dhe zgjedhje të parakohshme.
“Ne do të bëjmë një përgjigje të plotë të 9 pikave të bundestangut, do bëjnë në letër pretendimet tonë për këto 9 pika. Një e nga një, si do të jetë zgjidhja që japim ne. Më pas do të presim si do të reflektojë pala tjetër, a do të ulet të diskutojë për këtë apo do të vijojnë me lojën e vjetër “ne kemi të drejtë, ju e keni gabim”. Do ta eksplorojmë të gjithë hapësirën demokratike, nga raporti me median, raportin ndërkombëtar, takimi me qytetarë dhe nuk do të refuzojmë protestat. Do të përcaktojmë edhe afatet”, tha Shehi.
