MTV Awards nuk mund të ishte ndryshe veçse një spektakël i vërtetë për t’u mbajtur mend gjatë.
Nga Rihanna e deri tek Beyonce, skena e Madison Square Garden në New York dhuroi një show prej 3 orësh, të pushtuar nga muzika. Koreografitë, humori, fjalimet e artistëve dhe sigurisht çmimet.
Këngëtarja Rihanna ishte ajo që hapi dhe mbylli ceremoninë me një kolazh të këngëve të saj. Por mbretëresha e mbrëmjes ishte Beyonce e nominuar në 8 kategori dhe triumfuese e 7 çmimeve përfshirë edhe çmimin video me e mirë e vitit.
Për 16 minuta këngëtarja ofroi nje show të vërtetë duke performuar disa nga këngët e albumit më të fundit “Lemonade”.
Sa i përket çmimeve të tjera video më e mirë në kategorinë Best Male Video shkoi për Calvin Harris me këngën “This is what you came for”.
Fifth Harmony me këngën “Work From Home” fitoi çmimin bashkëpunimi më i mirë.
Best Hip Hop Video u fitua nga Drake ndërsa çmimi prestigjoz “Michael Jackson Vanguard” shkoi për Rihanna.
Në mbrëmjen e ndarjes së çmimeve ishin të pranishme edhe këngëtaret shqiptare Rita Ora dhe Bebe Rexha ku kjo e fundit prezantoi se bashku me Britney Britney Spears.
shqiptarja.com/d.i.
