Afrona Dika do të bëhet nënë për herë të parë! Modelja shqiptare ka surprizuar ndjekësit me lajmin e ëmbël, duke zbuluar se është në pritje të fëmijës së saj të parë.
Përmes një postimi në Instagram, Dika ka ndarë disa momente nga kjo periudhë e veçantë e jetës së saj, ndërsa nuk i ka fshehur emocionet për kapitullin e ri që po nis.
“Kjo ditëlindje ndihet edhe më e veçantë. Jam shumë mirënjohëse për mrekullinë e vogël që po rritet brenda meje”, ka shkruar ajo.
Por krahas lajmit të bukur, një tjetër detaj ka tërhequr menjëherë vëmendjen e ndjekësve.
Afrona ka zgjedhur të mos zbulojë identitetin e partnerit të saj, duke e mbajtur lidhjen larg vëmendjes së publikut. Kjo ka shtuar edhe më shumë kureshtjen e fansave, të cilët kanë nisur të pyesin se kush është babai i fëmijës.
Deri më tani, modelja nuk ka dhënë detaje për partnerin apo marrëdhënien e saj, duke preferuar që këtë pjesë të jetës ta mbajë private.
Ndërkohë, urimet për Afronën kanë vërshuar në rrjetet sociale, teksa ajo duket se po e shijon me shumë emocion pritjen e ëmbël.
