Kampionati që ka zhvilluar Leiçester Siti mund të bëhet patjetër një film, por për t’u më- suar se si do të jetë fundi i tij duhet pritur edhe disa javë. Dilemat nëse filmi do të jetë dramë, apo me fund të lumtur do të shuhen përfundimisht kur matematika të thotë fjalën e saj.
Megjithatë, e sigurt është që Leiçesteri dhe futbollistët bashkë me trajnerin Ranieri do të jenë protagonistët kryesorë të këtij filmi. Ecuria pozitive e “dhelprave” u ka dhënë një mësim të mirë të gjithëve, madje edhe kompanive të basteve që u detyruan javë pas jave të ulnin koeficientin për Leiçesterin kampion.
Ulja graduale- Basti më i çmendur në fillim të sezonit ishte: Leiçesteri kampion. Diçka e tillë kuotohej me një shifër marramendëse, 5000. Kjo do të thotë se mund të vendosje 1 euro dhe në fund të sezonit të fitoje 5000 euro. Por koeficienti i Leiçesterit filloi të mos ishte më i njëjti sepse pas gjashtë javësh kampionat, Mahrez dhe Vardi me shokë treguan se ishin një skuadër e fortë.
Patën një ecuri prej kampionësh duke fituar falë zgjuarsisë në sulm dhe mbrojtjes solide. Pas ndeshjes së gjashtë koeficienti i tyre u përgjysmua dhe shkoi në 2.500. Leiçesteri ngrihej, koeficientët uleshin. Dikush po fillonte ta besonte realisht këtë përrallë, ndërsa të tjerë mendonin se ishte vetëm rastësi.
Gjuha e basteve fliste qartësisht, duke treguar se ecuria pozitive ishte duke i trembur “bookmakersat”, të cilët në jav- ën e 11 të kampionatit e vendosën koeficientin e Leiçesterit për të fituar titullin kampion. Fitoret radhazi, mbrojtja e blinduar, sulmi efektiv dhe trajneri ekspert bënë që koeficienti i kësaj skuadre që deri përpara disa muajsh ishte anonime, të shkonte 2.2.
Diçka e tillë ndodhi pas fitores spektakolare me Mançester Sitin që ishte rivali kryesor i “dhelprave”. Kur kanë mbetur edhe 6 javë nga fundi, koeficienti për Leiçesterin kampion është 2.7. Ranieri- Meritë të madhe në ecurinë pozitive të Leiçesterit ka edhe trajneri italian Klaudio Ranieri, i cili është zgjedhur si trajneri më i mirë i muajit mars.
Gjatë këtij muaji skuadra e tij nuk pësoi asnjë humbje, duke ruajtur diferencën me Totenhemin ndjekës. “Jam i lumtur, por ky çmim nuk është asgjë përpara ecurisë dhe fitoreve të skuadrës. Unë vazhdoj të them se nuk kemi bërë ende asgjë.
Dua të siguroj matematikisht pjesëmarrjen në Champion-s dhe kjo do të ishte një arritje e madhe për Leiçesterin. Duhet t’i marrim ndeshjet një nga një”, tha Ranieri përpara ndeshjes së nesërme ndaj Sandërlendit.PanoramaSport
