Kristjan Asllani dhe Interi janë gjithmonë e më pranë njëri-tjetrit.
Sipas asaj që raporton gazetari sportiv dhe njëkohësisht ekspert i merkatos, Fabricio Romano, skuadra zikaltër ka arritur marrëveshjen me mesfushorin e Kombëtares shqiptare, Kristjan Asllani për kushtet e kontratës.
Bisedimet janë në avancim me Empolin që zotëron kartonin e 20-vjeçarit për të arritur te “tymi i bardhë” i kësaj tratative.
Gjithashtu eksperti i merkatos, Romano ka bërë me dije se shumë pranë firmës me Interin është dhe mbrojtësi anësor i Kaljarit, spanjolli 22-vjeçar Raul Belanova, ndërsa Bremer i Torinos mbetet objektivi kryesor i drejtuesve zikaltër për mbrojtjen.
Gjatë sezonit që përfundoi, Asllani u aktivizua gjithsej në Serinë A në 23 ndeshje ku arriti të shënonte 1 gol dhe të dhuronte 1 asist për shokët e skuadrës.
Interi gjithashtu ka mposhtur konkurrencën e Milanit dhe të Njukasëllit që ishin në ndjekje të talentit të Kombëtares.
Inter have reached full agreement with the Albanian midfielder Kristjan Asllani on personal terms. Talks progressing with Empoli to discuss final fee. ⌛️🇦🇱 #transfers
Asllani and Bellanova are both close to join Inter, while Bremer has always been top target as new centre back.
— Fabrizio Romano (@FabrizioRomano) June 9, 2022
g.kosovari
