Shpërthimet terroriste të konfirmuara tashmë në Bruksel janë dënuar edhe nga Ministria e Punëve të Jashtme të Republikës së Shqipërisë.
Ndërsa Bashkimi Evropian ka urdhëruar punonjësit e saj që të mos lëvizin nga zyrat për arsye sigurie, MPJ ka konfirmuar për publikun se nuk ka informacione për shqiptarë të lënduar nga 4 sulmet e së martës.
MPJ dënon sulmet terroriste që goditën sot Brukselin dhe shpreh solidaritetin me popullin dhe qeverinë belge në keto momente të vështira. Shqipëria qëndron krah autoriteteve belge në luftën kundër terrorizmit dhe ekstremizmit të dhunshëm.
Nga Ambasada jonë në Bruksel informohemi se nuk ka të dhëna deri tani për shtetas shqiptarë të lënduar nga sulmet e sotme terroriste në Bruksel.
Të gjithë qytetarët shqiptarë në Bruksel mund të kontaktojnë Ambasadën tonë atje në numrat e telefonit: +32 2 640 3544; +32 2 644 3329 dhe adresën email: mi********@mf*.al.
