Ministria e Punëve të Brendshme ka reaguar, lidhur me vendimin e Presidentit, Bujar Nishani. për të kthyer edhe nje here ne Kuvend, ligjin per Sigurine Publike. MPB sqaron se përgatitja, shqyrtimi dhe miratimi i ligjit “Për masat shtesë të sigurisë”, është realizuar në të gjitha etapat e tij, në bashkëpunim me partnerët ndërkombëtarë si dhe në konsultim me grupet e interesit, përfshirë Komisionerin për Mbrojtjen e të Dhënave Personale.
Ministria e Punëve të Brendshme nëpërmjet një njoftimi për mediat sqaron se grupi i punës, në harkun kohor të 8 muajve që është nevojitur për ligjin, ka pasur kontakte të vazhdueshme me ekspertët e misioneve ndërkombëtare të atashuara në Shqipëri. Bëjmë me dije gjithashtu se në ligj janë reflektuar edhe sugjerimet e grupeve të konsultuara të interesit gjatë takimeve të zhvilluara.
“Nga ana tjetër, nënvizojmë se ekspertët ndërkombëtarë në vazhdimësi kanë dhënë vërejtjet e tyre për projektligjin, si në formë të shkruar, ashtu edhe në takimet e rregullta me grupin e punës, vërejtje të cilat janë reflektuar në ligjin e miratuar. Me këtë rast, sjellim në vëmendje të publikut se janë organizuar konsulta me grupet e interesit, si dhe një takim i gjerë publik me ta, ndërkohë vërejtjet e tyre janë reflektuar në variantin e fundit që qeveria ka dërguar në Kuvend.Njëherësh theksojmë se ligji është hartuar në bashkëpunim të ngushtë me Komisionerin për Mbrojtjen e të Dhënave Personale”, thuhet në nje deklaratë të MPB.
