Menaxheri i Manchester Unitedit, Jose Mourinho, ka pohuar se nuk pret që Cristiano Ronaldo të largohet nga Real Madridi gjatë verës.
Në muajt e fundit është raportuar se Ronaldo do të largohet nga “Mbretërit” dhe mediat e kanë lidhur me një rikthim në Old Trafford, por Mourinho ka insistuar se Unitedi nuk do të nënshkruajë me portugezin.
“Me momentin që po kalon Real Madridi mendoj se duhet të jem njeriu i fundit që i vë benzinë flakës. Madridi është në flakë, rezultatet nuk janë të mira dhe është klubi në të cilin kam punuar tri vjet. Kujdesem për klubin dhe jam njeriu i fundit që të shtoj më shumë flakë”, ka thënë Mourinho.
“Për të hedhur pak ujë zjarrit, unë do të thosha se Cristiano është lojtar që e dëshirojnë të gjithë, por vetëm një menaxher dhe një klub mund ta kenë – Zidane dhe Real Madridi. Ky është mendimi im”, ka thënë veç të tjerash menaxheri portugez, përgatiti Koha. (b.an)
