Jose Mourinho ka konfirmuar se do t’i rikthehet futbollit së shpejti, në intervistën e parë dhënë që nga shkarkimi i tij nga posti i trajnerit të Chelseat, transmeton Koha.net. Mourinho ishte prezent në barazimin që Dortmundi e bëri me Hertha Berlinin të shtunën, transmeton Koha.net. Dhe në një intervistë për GQ është shprehur se nuk është plotësisht i lumtur deri sa të rikthehet në futboll, gjë që ka thënë se do ta bëjë së shpejti.
“Nuk jam duke u kënaqur. Mund të kem gjithçka që dua në të njëjtën kohë. Kam familjen, shoqërinë, kam jetë të qetë që gjithashtu më pëlqen, dhe mund të kem futbollin tim. Mund të kem gjithçka së bashku në të njëjtën kohë dhe nuk dua që të dorëzohem dhe të heq dorë në njërën nga to. Që të jem plotësisht i lumtur më duhen të gjitha, prandaj dua të rikthehem te futbolli. Mendoj se është habitati im natyral. Por, mund t’ju siguroj se do të rikthehem së shpejti”, është shprehur portugezi. Mourinho është i lidhur me një kalim te Manchester Unitedi.
