Jose Mourinho thotë se Manchester United nuk do të transferojë sulmues gjatë verës që vjen pasi e mori Alexis Sanchezin në afatin kalimtar të janarit, shkruan zeri.info. Trajneri portugez i “Djajve të Kuq” insiston se tashmë faza ofanzive e ekipit nga “Old Traffordi” është kompletuar dhe se nuk ka nevojë për përforcime më.
“Është diçka e keqe për ju (gazetarët) sepse ju do të donit të keni se për çka të spekuloni, posaçërisht gjatë verës.
Por unë nuk dua futbollistë sulmues, kështu që nuk do të ketë ardhje këtu gjatë verës dhe nuk kemi nevojë të flasim për këtë”, theksoi fillimisht “Special One”.
“Juan Mata, Lukaku, Rashford, Martial, Alexis… Nuk dua më lojtarë ofanzivë, kështu që spekulime gjatë verës duhet të shkoni t’i bëni diku tjetër.
Sa u përket sulmuesve, jam mjaft i lumtur dhe i kënaqur me ata që i kam”, përfundoi Mourinho. (b.an)
