Trajneri i Manchester Unitedit, Jose Mourinho, ka pyetur përse Arsenali ka orar më të lehtë gjatë periudhës së Krishtlindjes.
“Topçinjtë” presin Liverpoolin më 22 dhjetor, në një ndeshje që fillimisht ishte paraparë të zhvillohej në prag të Krishtlindjeve dhe nuk kanë më ndeshje deri më 28 dhjetor kur përballen me Crystal Palacen.
Në anën tjetër, Unitedi do të luajë me Leicesterin më 23 dhjetor dhe vetëm tre ditë më pas me Burnleyn.“Ka disa gjëra në të cilat mund të flasim. Ka gjëra që mund t’i diskutojmë. Gjëra që nuk pajtohemi… por që janë fakte kundër fakteve”, ka thënë ai për “The Mirror”.
“A mendoni se është e mundur që Arsenali të luajë më 22 dhjetor dhe me 28 dhjetor? A mendoni se është e mundur?
E dini, iu uroj atyre Krishtlindjet sepse do t’i festojnë teksa të tjerët luajnë më 23 dhe 26 dhjetor”.Unitedi është një nga 14 ekipet që do të luajë në këtë periudhë festive, përgatiti Koha. (b.an)
