Jose Mourinho nuk do të presë për Manchester United, nëse klubi anglez vendos që mos ta sjellë portugezin për zëvendësimin e Louis van Gaalit gjatë kësaj vere.
Edhe pse sezoni ishte i vështirë, stafi i klubit beson se Van Gaali do të qëndrojë deri në përfundim të kontratës e cila skadon vitin e ardhshëm.
Kjo do të thotë se Mourinho do t’i duhet të presë edhe një vit për të marrë drejtimin e Unitedit, por mediumet angleze raportojnë se “Special One” nuk është i përgatitur që të presë edhe një vit.
Van Gaali do të shkarkohet nëse Unitedi humb finalen e FA Cup ndaj Crystal Palace dhe nëse nuk përfundon në top-katërshe të Premier Ligës, por mendim tjetër kanë stafi i klubit. Ata presin që holandezi ta drejtojë ekipin edhe një vit.
Problem tjetër për drejtorin Ed Woodward dhe bordin e Unitedit mbetet e ardhmja e Ryan Giggsit. (b.an)
