Mourinho ka thumbuar Herreran, pas humbjes së Man United kundër Huddersfield.Kur fiton Manchester United, e gjithë merita është e Jose Mourinhos, por kur ndodh e kundërta – Mou gjithmonë kërkon të gjejë arsye dhe t’ua hedh fajin lojtarëve.Një gjë e tillë është duke ndodhur pas humbjes kundër Huddersfield, e para për “Djajtë e Kuq” këtë sezon.
“Nëse do të isha tifoz i Manchester United, do të ishte zhgënjyese. Ju mund të humbisni një ndeshje pasi kundërshtari ka më shumë kualitete, por jo për mungesë të përqendrimit”, deklaroi Mourinho.Viktima e Mous është Herrera, pas deklaratave që dha pas humbjes 2:1 të Man United.
“E dëgjova Ander Herreran duke thënë se kjo humbje ishte për shkak mungesës së përqendrimit dhe se dëshira ishte shumë e varfër, oh zot. Kjo më shqetëson”, tha Mourinho.“Do ta analizoj ndeshjen dhe nëse ka nevojë edhe do t’i kritikojë lojtarët e mi”, shtoi portugezi, përgatiti ”Gazeta Express”. (b.an)
