Portugezi është duke planifikuar sezonin e ardhshëm në “Old Trafford” me Marouane Fellaini, Daley Blind, Matteo Darmian dhe Eric Bailly. Jose Mourinho dëshiron që Daley Blind dhe Matteo Darmian të qëndrojnë në Manchester United, pasi thotë se ende janë në planet e tij.
Dyshja kanë luajtur shumë pak me Djajtë e Kuq dhe destinacioni duket të jetë Serie A, por Mourinho shpreson të qëndrojnë në “Old Trafford”. “Darmian dhe Blind? Ata janë pjesë e planeve të mia”, tha ai. “Kur një lojtar dëshiron të shkojë, nëse kjo është vertete çfarë do, dhe kur vjen oferta e duhur, ne e shikojmë atë sepse duam që lojtarët tanë të jenë të lumtur”.
“Kështu që nëse lumturia e tyre është për t’u larguar, do të shohim çfarë do të ndodh. Por, ata janë në planet e mia. Nuk dua t’i shes”, shtoi Mourinho.
Është raportuar se edhe Marouane Fellaini e Eric Bailly mund të largohen gjatë verës, por Mou e dëshiron skuadrën kështu siç është edhe sezonin e ardhshëm, me disa përforcime të vogla, pwrgatiti ”Gazeta Express” (b.an)
