Futbollisti uellsian po shqyrton mundësinë e largimit nga Real Madridi. Gareth Bale mund të jetë lojtari i parë që do t’i jap lamtumirën Realit në fund të këtij sezoni.
Uellsiani që ka pasur telashe me lëndimet në sezonet e fundit, është në listën e shitjeve nga klubi dhe interesimin më të madh për të e ka shfaqur Manchester Unitedi.
Sipas Diario Sport, vetë trajneri i “Djajve të Kuq”, Jose Mourinho ka folur me Bale dhe i ka treguar për rëndësinë që do të ketë ai në skuadrën e tij dhe sipas këtij mediumi, uellsianit i ka pëlqyer projekti që ka Mourinho me të në skuadër, transmeton kp.
Reali kërkon të paktën 100 milionë euro për shitjen e Bale dhe mbetet të shihet nëse United do të jetë i gatshëm për të paguar këtë shifër. (b.an)
