Ka kaluar thuajse një vit që nga dalja e fundit e moderatores Marina Vjollca në ekran, që prej përfundimit të spektaklit “C’est la vie” në “Tv Klan”.
Megjithatë, fansat e Marinës nuk do të duhet të presin edhe shumë për ta parë sërish në ekran, sepse duket se ajo e ka gati projektin e saj më të ri. Një gjë të tillë e ka zbuluar vetë motra e saj Luana, nëpërmjet një komenti në “Instagram”.
Teksa Marina i shpreh asaj gjithë krenarinë për suksesin që Luana ka pasur në spektaklin “Shiko kush luan”, e motra i komenton: “Mezi po pres për bombën tënde tani jetë!” Pra, emisioni i ri i Marinës, jo vetëm që do të vijë së shpejti, por do të jetë një bombë e vërtetë.
Motrat e njohura nuk kanë dhënë asnjë detaj më shumë lidhur me projektin e ri, por gjasat janë që Marinën do ta shohim sërish në ekranin e televizioni “Klan”, pjesë e të cilët ajo u bë me spektaklin “C’est la vie”.
Siç kanë shkruar mediat, Marina këtë sezon televiziv mungoi në ekran për shkak të një mospërmbushjeje të mundshme të kërkesave të bashkëshortit të saj Getoar Selimi, i cili ishte propozuar të ishte pjesë e jurisë në “C’est la vie 2”. Sezoni televiziv u mbyll pa Marina Vjollcën, për të cilën u vu në pikëpyetje e ardhmja e saj në televizionin “Klan”.
U mësua më herët se moderatorja do të sillte në ekran një projekt të ri në muajin shkurt të vitit 2019, një shoë me talente të fushave të ndryshme. Por dukej se gjërat nuk kanë shkuar ashtu siç priteshin, pasi projekti u anulua.
Ndërkohë që koleget e saj nisën punën për sezonin e ri televiziv, Marina thjesht mori valixhet dhe u largua nga Shqipëria. Nga postimet që bën në “Instagram” duket se Marinës i pëlqen shumë të jetë e hapur për të postuar çdo moment nga martesa me Getin, siç është udhëtimi i fundit në Shtetet e Bashkuara të Amerikës.
Ndërkohë, fakti që tregohet diskrete me planet për punën vjen ngaqë, mesa duket, nuk po i ecën sipas parashikimeve të saj, që kur mori vendimin të largohej nga “Top Channel”.
Shumë kolegë të saj e konsideruan një lëvizje të gabuar të saj, duke qenë se la punën si bashkëdrejtuese prej 10 vitesh e “Procesi Sportiv” me Edi Manushin.
Marina, edhe pse një personazh publik dhe e identifikuar në karrierën e saj me mbiemrin Vjollca, vendosi të merrte mbiemrin e burrit (Selimi) gjatë ngjitjes në altar.
Ndërsa Getoari për t’iu përshtatur karrierës së saj në Shqipëri, vendosi të blinte apartament në Tiranë, ku tani bashkëjetojnë si burrë e grua. Le të shohim se nëse 2019 do të rikthejë apo jo Marinën në ekran. PANORAMA PLUS
