Juanita Castro, motra e diktatorit Fidel Kastro që vdiq në moshën 90, tha se nuk do të marrë pjesë në funeralin e vëllait të saj në Kubë. Pavarësisht se shprehu keqardhjen për vdekjen e vëllait të saj, ajo tha se nuk do të kthehet në Kubë. Juanita ka jetuar në Miami që nga viti 1965 pasi akuzoi vëllain e saj një vit më parë se e ktheu Kubën në ‘një burg të madh të rrethuar nga uji “. Të shtunën, ajo tha se dhimbja e vdekjes së vëllait të saj nxori plagët e vjetra në sipërfaqe. Gjithashtu hodhi poshtë thashethemet se ajo po bëhej gati të nisej për në memorialin e tij.
“Duke iu referuar thashethemeve se unë jam nisur për në Kubë për të marrë pjesë në funeral, dua të deklaroj qartë se kurrë nuk jam kthyer në ishull dhe nuk planifikoj ta bëj këtë gjë”, ka thënë Castro për El Nuevo Herald.
“Nuk i gëzohem vdekjes së asnjë qenieje njerëzore, e as për dikë që mban mbiemrin e familjes sime”, ka shtuar ajo.
“Si motër e Fidelit, po e përjetoj vdekjen e një qenieje njerëzore që ndante gjakun tim”
Ajo ka shtuar më tej se ‘Kam luftuar së bashku me mërgimtarët, krah për krah, gjatë fazave të tyre më aktive dhe intensive të luftës në dekadat e fundit, dhe unë i respektoj ndjenjat e të gjithëve, “tha Juanita në një deklaratë.
Juanita është një nga katër motrat e Kastros dhe ishte mbështetëse në fund të viteve 1950 e përpjekjeve të vëllait të saj për të rrëzuar Fulgencio Batista.
ma.me
