Motori që u përdor nga autorët për vrasjen e Bujar Nasufit, deri në këtë fazë, nuk e ka ndihmuar grupin hetimor për zbardhjen e detajeve të ngjarjes, apo për identifikimin e autorit.
Sipas burimeve, nga ekspertiza paraprake që i është bërë motorit, ka rezultuar se ai është gjetur pa targa dhe pa numër identifikues, çfarë e vështirëson punën e grupit hetimor.
Agjentët e policisë po punojnë për gjurmimin e autorit përmes këqyrjes së kamerave të sigurisë. Deri tani, të shoqëruar kanë qenë vetëm familjarë dhe dëshmitarë të vendit të ngjarjes, por jo persona që mund të jenë të dyshuar si autorë të ngjarjes.
Në pyetje është marrë edhe bashkëshortja e viktimës e cila ka mohuar të ketë parë apo ta ketë njohur autorin, por vetëm ka dëgjuar të shtënat ka kuptuar se çfarë kishte ndodhur.
