Greqia është thuajse e ndarë më dysh përsa i takon motit që mbizotëron në 24 orët e fundit në gjithë territorin e vendit
Në veri dhe sidomos në kufijtë veriperëndimorë me Shqipërinë ka reshje bore në zonat malore dhe temperatura në Follorinë ka shkuar në zero gradë celcius.
Gjithashtu reshje bore ka pasur në kufi me Turqinë dhe në gjithë Greqinë e Veriut temperaturat kanë pësuar një rënie të ndjeshme.
Ndërsa në jug të vendit, sidomos në ishullin e Kretës termometri ka treguar edhe 30 grade celcius në qytetin e Haniasë. Aty nuk kane munguar as plazhistet.
Por fenomeni kohor ka pasur një tjetër karakteristikë kryesore pasi gjithë ishulli ngjante gjatë ditës së enjte me një vend afrikan. Pluhuri i kuq i ardhur nga Afrika e ka mbuluar tërësisht aq sa ka vështirësuar banorët qe shpeshherë kanë qarkulluar me shami dhe maska.
Temperatura mbi 25 gradë janë regjistruar edhe në gadishullin e Peloponezit. Probleme të mëdha ka pasur edhe në disa porte të vendit ku janë ndaluar lundrimet e anijeve për shkak të erërave të fuqishme.
a.ç
