Reshjet e shumta gjatë ditëve të fundit kanë shkaktuar probleme edhe në Tiranë.
Fryrja e lumejve për shkak të prurjeve të shumta, ka bërë që qindra hektarë tokë të përmbyten nën ujë, njëkohësisht disa banesa janë izoluar ndërsa banorët që gjendeshin në ato banesa apo në zonat e prekura nga uji janë evakuuar.
Drejtoria Vendore e Polcisë Tiranë për t’ju ardhur në ndihmë qytetarëve ka angazhuar forca policie në terren, të cilët punojnë 24 orë për të përballuar situatën emergjente në bashkëpunim me Drejtorinë e Përgjithshme të Emergjencave Civile, Ministrinë e Mbrotjes, Bashkinë e Tiranës.
Aktualisht situata në Tiranë është nën kontroll, por ende ka disa zona të cilat paraqesin problematika për shkak të sasisë së shtuar të ujit.
Kjo situatë nuk na gjeti të pa përgatitur, bashkë me institucionet e tjera mundëm të mirëkoordinoheshim për të për të përballur këtë situatë të shkaktuar nga reshje të pazakonta. Natyra është e paparashikueshme, por për ne është e rëndësishme garantimi i jetës, sigurisë dhe shëndetit të qytetarëve!
Ju bëjmë thirrje të gjithë qytetarëve se në raste emergjencash, apo kërkesë për ndihmë, ju lutemi të kontaktoni në numrin 112.
