Një zjarr i madh shpërtheu në portin e Barcelonës të mërkurën pasi një vinç u përplas nga një traget pasagjerësh dhe u rrëzua mbi kontenierë me lëndë të rrezikshme.
I gjithë incidenti u filmua sekondë pas sekonde nga dëshmitarët okularë, të cilët filmuan tragetin që po manovronte në port para se të përplasej me vinçin e tonazhit të lartë.
Në video shfaqen edhe punonjësit e portit në Spanjën verilindore teksa vrapojnë në përpjekje për të shpëtuar jetën para se vinçi të rrëzohej dhe të shpërthenin flakët.
Një zëdhënës i autoriteteve të Barcelonës tha për “Associated Press” se në incident fatmirësisht nuk kishte asnjë të plagosur.
“Grandi Navi Veloci”, kompania e cila ka në pronësi tragetin e pasagjerëve, tha në një komunikatë se era e fortë dhe dallgëzimi në det e bënë të pamundur për kapitenin ta ankoronte në kalatë mjetin lundrues.
Trageti rreth 200 metra i gjatë kishte shumë pasagjerë dhe mjete në bord, por sipas kompanisë nuk raportohet asnjë i plagosur.
/b.d
