Autoriteti Aviacionit Civil njofton të gjithë qytetarët se moti i keq ka shkaktuar çrregullime të orareve të fluturimeve nga aeroporti ndërkombëtar “Nënë Tereza” për disa fluturime në drejtim të aeroporteve të veriut të Italisë dhe Europës qendrore.
AAC u bën thirrje të gjithë qytetarëve, që kanë rezervuar një biletë për të fluturuar sot datë 27 dhe nesër datë 28 shkurt, që përpara se të nisen për në aeroportin e Rinasit të kontaktojnë me kompaninë ajrore përkatëse për të konfirmuar statusin e fluturimit të tyre.
“Për të gjithë qytetarët që mund të mos zhvillojnë fluturimin e tyre për shkak të motit të keq në aeroportet evropiane, rrini të qetë, kontaktoni me kompaninë ajrore përkatëse dhe kërkoni mundësinë e marrjes së një fluturimi të mëvonshëm”, thotë AAC./a.m.
