PERMET- Rrëzimi i disa pemëve gjatë natës së djeshme ka bllokuar aksin “Ura e Leklit” në Përmet. Autoriteti Rrugor dhe Policia e Shtetit po punojnë për zhbllokimin dhe largimin e pemëve të rëna.
Sakaq, problem të tjera janë shfaqur edhe tek linja 100 kv e tensionit të lartë, e cila furnizon me energji elektrike zonat përreth.
Dyshohet se shkak i rënies së pemëve në rrugë është bërë moti me erë gjatë natës së kaluar. Aktualisht, rruga funksionon vetëm me një sens dhe kjo ka shkaktuar vështirësi në qarkullimin e mjeteve.
a.ç
