Vazhdon situata e rënduar e motit të keq në Atikën Perëndimore, pranë kryeqytetit grek, Athinë, ku deri tani kanë humbur jetën 16 vetë dhe 6 të tjerë rezultojnë të humbur.
Sipas mediave, mes personave të zhdukur rezulton edhe një shqiptar 29-vjeçar. Petro Spiro Koleci, ishte nisur mëngjesin e të mërkurës për në punë në zonën e Thives në mes të motit të keq.
Ndërkohë ambasada shqiptare në Athinë ka vënë në dispozicion një numër telefoni, për shqiptarët e prekur dhe për çdo nevojë mund t’i drejtohen asaj.
“I bëjmë thirrje të gjithë qytetarëve shqiptarë të prekur nga përmbytjet në zonat problematike e Atikës Perëndimore se për çdo nevojë t’i drejtohen Ambasadës përmes numrit të emergjencës +30 6941658183 (24h)“, thuhet në njoftimin e Ambasadës shqiptare në Athinë
a.ç
a.ç
