Nga komunikimi me specialistët e Drejtorive të Rajoneve janë marrë informacionet e nevojshme për gjendjen e akseve kombëtare, të cilat janë paraqitur në tabelën më poshtë.
Aktualisht qarkullimi i mjeteve është normalizuar, megjithatë rekomandohet që të bëhet kujdes me shpejtësinë e qarkullimit të mjeteve në akset ku ka rënie gurësh, inertesh, etj, si dhe në akset ku ka patur ngrica gjate natës.
INFORMACION MBI GJENDJEN E KALUESHMËRISË
SË AKSEVE RRUGORE KOMBËTARE (sipas Qarqeve)
datë 09.01.2016
|
QARKU |
Situata |
Rekomandime |
|
TIRANË |
Aksi Tiranë-Krrabë (km29)-Elbasan është i kalueshëm normalisht.
Akset Tiranë-Trau Dajt-Qafë Mollë-Bizë + Trau Dajt-Antena + Qafë Priskë-Shëngjergj janë të qarkullueshme normalisht. Në gadishmeri jane 2 borepastruese, ekskavator, grejder dhe 7 punetore. Në aksin Sauk – TEG – Ibë – Elbasan, në segmentin Rotondo – Sauk – Ibë, gjendja është normale dhe qarkullimi kryhet pa probleme. Megjithatë në gadishmëri janë mjete dhe punëtorë.
Në aksin Ura e Peshkatarit – Berzhitë ka një çedim të trupit të rrugës me 10 ml, deri në gjysmën e korsisë.
|
Nga informacioni që është dërguar nga supervizori i Kontratës nr.2, ne segmentin Qafë Priskë-Shëngjergj që i përket kësaj kontrate, në vendin Ura e lumit Derje, është dëmtuar mbrojtja prej betoni. Si rezultat është gërryer trupi i rrugës në një gjatësi prej 115 ml. Për këtë problem është ngritur grupi i punës me përfaqesues të Drejtorisë dhe të firmës që mbulon këtë kontratë .
Është çuar një ekskavator për të bërë devijimin e lumit, në mënyrë që të mos godasë trupin e rrugës, kjo si zgjidhje provizore. Gjithashtu inxhinieri topograf i firmës ka bërë rilevimin , për të marrë masat për një zgjidhje përfundimtare. Janë marrë masa me sinjalistikë. |
|
DURRËS
|
Nuk ka probleme në akset e këtij qarku. |
Te bëhet kujdes në qarkullim, pasi ka trafik në akset e këtij qarku. |
|
VLORË |
Në akset e këtij qarku nuk ka probleme për qarkullimin.
Situata mbahet në monitorim të vazhdueshëm, sidomos pikat ku ka rënie materialesh. Në Llogora janë në gadishmëri 1 borëpastruese, 1 fadromë dhe 5 punëtorë. |
Te behet kujdes ne kalimin e segmenteve ku ka rrezik per renien e dherave dhe te respektohet sinjalistika e vendosur. |
|
GJIROKASTËR |
Nuk ka probleme në akset e këtij qarku.
Situata mbahet në monitorim të vazhdueshëm, sidomos në zonat e njohura ku ka rrëshqitje siç janë Shkalla e Zezë ku jane ne gadishmëri 1 fadromë dhe 6 punetorë, dhe Rapi i Kuqarit, ku janë në gadishmëri 1 fadromë dhe 5 punëtorë. Rekomandohen përdoruesit e rrugës, që në këto zona të respektojnë sinjalistikën e vendosur. Në të gjitha akset e këtij qarku nuk ka probleme për qarkullimin e mjeteve. |
Te behet kujdes ne kalimin ne segmentet rrugore ku ka rrezikshmeri per renien e gureve ne rruge. |
|
ELBASAN |
1. Aksi Elbasan-Librazhd-Qafë Thanë, ka si pika më të vështira:
Ne Xibrake, ne Km 63,2, tek shembja e murit, qarkullimi kryet me nje kalim te rregullt dhe nje kalim ne korsi provizore.
Në gadishmëri në këtë aks janë 2 fadroma, 2 kamionë dhe 10 punetorë, për çdo rënie materialesh në rrugë. Situata per momentin është normale.
Në aksin Librazhd – Steblevë situata për momentin është normale. Këtu jane ne gadishmeri 1 traktor me zinxhire, 1 fadrome dhe 11 punetore.
2. Aksi Elbasan-Peqin ka si pika më të vështira:
Në këto momente qarkullimi është normal. Ketu jane ne gadishmeri 1 kamionçine, 1 fadrome dhe 4 punetore.
3. Në Papër, km 57, situata është normale.
4. Aksi Elbasan – Gramsh ka si segmente më të veshtirë: 1. Banjë – Drizë, km 77-89 2. K/Shirgjan – Drizë, km 72-80 Qarkullimi është normal deri në keto momente. Ka mjete e punetore ne gadishmeri.
5. Aksi Gramsh – Kodovjat, Bersnik, Mashan, Km 104-109, qarkullimi kryhet normalisht. Në të gjitha këto pika të rrezikshme ka mjete dhe njerëz në gadishmëri. është kryer pastrimi i akseve nga gurët dhe materialet e tjera. |
Të bëhet kujdes në akset ku ka materiale në rrugë.
Të respektohen tabelat e sinjalistikës, sidomos tabelat e shpejtësisë |
|
KORÇË |
Gjendja e Akseve rrugore të Qarkut Korcë paraqitet normale dhe është duke u punuar për kriposje pjesore.
Në akset e ketij qarku janë në gadishmeri 13 borëpastruese, 3 grejdera, 8 fadroma, 14 kamione dhe punetore ne segmentet me problematike. |
Të bëhet kujdes në akset ku ka materiale në rrugë. Të respektohet sinjalistika në vendet ku ka prani të ngricave në rrugë. |
|
FIER |
Nuk ka probleme për qarkullimin në akset e këtij qarku. | Të bëhet kujdes në lëvizje, për shkak të fluksit të makinave. |
|
BERAT |
Nuk ka probleme për qarkullimin e mjeteve në akset e këtij qarku. Punohet për pastrimin e akseve, në kuader të kontratave me performancë. | |
|
KUKËS |
Nuk ka probleme për qarkullimin e mjeteve në të gjitha akset e këtij qarku.
Ne aksin Tuneli Kalimash – Kukës – Morinë janë në gadishmeri 3 mjete, në aksin Kukës – Krumë janë në gadishmëri 2 mjete, në aksin Kukës – Draj Reç janë në gadishmëri 2 mjete, në aksin Domaj – Bushtrice janë në gadishmeri 2 mjete, ne aksin Kukës – Qafë Shllak janë në gadishmeri 2 mjete, në aksin Kukës – Ura e Zapodit jane ne gadishmeri 2 mjete, ne akset e Tropojes jane ne gadishmeri 10 mjete. 1. Në aksin Krumë- Qafe Prush, në një gjatësi prej 80ml, ka një çedim të trupit të rrugës. është vendosur sinjalistika përkatëse dhe qarkullimi vazhdon normalisht. 2. Në aksin B. Curri – Valbonë, në km 13 -17, në vendin e quajtur Prroni i Thatë, ka rënie gurësh masive që sjellin rrezikshmëri për qarkullimin. 3. Në aksin Fierzë – Lekbibaj , në vendin e quajtur Shkëmbi i Rajës, ka herë pas here shembje dhe rënie gurësh. Janë pastruar nga firma kontraktore. 4. Në aksin Domaj – Bushtricë, ne km 27, 29 dhe 31 nga Kukësi, ka çedim të trupit të rrugës 20-70 cm, dhe vështirësi në qarkullimin e mjeteve. 5. Edhe në akse të tjera ka rënie gurësh në rrugë, të cilat janë pastruar nga kontraktorët. Në të gjitha akset e këtij qarku, qarkullimi kryhet normalisht.
|
Të bëhet kujdes dhe të respektohet sinjalistika në vendet ku ka probleme në rrugë dhe rënie gurësh e materialesh të tjera.
Gjithashtu të bëhet kujdes në ato segmente ku ka ngrica ne rruge. |
|
DIBËR |
Në të gjitha akset qarkullimi kryhet normalisht.
Në akset e këtij qarku janë në gadishmëri 14 mjete, ne zonat ku ka rrezik per renien e materialeve ne rruge. Rekomandohen përdoruesit e rrugës të bëjnë kujdes në zonat ku ka rrezik te renies se materialeve ne rruge, si dhe te lageshtise ne rruge. 1. Gjatë gjithë aksit Skurraj – Burrel , ka herë pas here rënie gurësh në rrugë, që krijojnë probleme në qarkullim. Inspektorët dhe firmat ish kontraktore punojnë vazhdimisht për pastrimin e tyre. Në vendin e quajtur Baz, ka çedim të trupit të rrugës dhe shembje të murit pritës të rrugës. Në keto zona duhet të tregohet kujdes nga përdoruesit e rrugës, Ne gadishmeri jane 2 mjete. 2. Në aksin Burrel – Qafë Bualli, 1.5 km në dalje të qytetit të Burrelit, ka një çedim masiv të trupit të rrugës. Për momentin nuk ka probleme për qarkullimin. 3. Në aksin rrugor Kuben – Vasie, në km 19.5 nga Peshkopia, në fshatin Vleshe, ka një çedim të trupit të rrugës. Në këtë aks ka rreshje bore dhe kalimi në këtë aks rekomandohet të bëhet me zinxhirë. |
Të bëhet kujdes në qarkullim në akset ku ka inerte në rrugë dhe të respektohet sinjalistika.
|
|
SHKODËR |
Në të gjitha akset qarkullimi kryhet normalisht.
Në akset Dedaj – Razëm dhe Koplik – Bogë ka renie gurësh si pasojë e rreshjeve te shumta. Ne gadishmëri jane 2 mjete fadroma, që po bëjne pastrimin e akseve. Edhe ne aksin Shkoder – Qafe Qele ka rrezik për rënie gurësh në rrugë. Edhe ketu është në gadishmëri 1 fadrome. Në aksin Shpal – Ura e Repsit janë në gadishmëri 2 mjete, në aksin Rreshen – Qafë Bene janë në gadishmëri 2 mjete. Në aksin Qafë Mali – Fierze janë në gadishmëri 2 mjete, në aksin K.Hadroj – Qafë Bene janë në gadishmëri 2 mjete. 1.Në aksin Qafë Laç – Qafë Qele ka zona me rrezik për renien e gurëve, prandaj duhet të bëhet kujdes në qarkullimin në këtë aks. 2. Në aksin Pukë – Fushë Arrëz, në vendin e quajtur Kroi i Zojes, ka shembje të murit mbajtës të rrugës dhe çedim të saj. Situata e qarkullimit është normale. Ne gadishmeri eshte 1 mjet. 3. Gjatë aksit Fushë Arrëz – Qafë Mali – Qafë Shllak, ka herë pas here rënie gurësh dhe shembje të skarpatave, por nuk ka probleme për qarkullimin. Ne gadishmeri eshte 1 mjet. 4. Në aksin Vau i Dejës – Koman ka segmente ku ka rrezikshmëri për rënie gurësh e materialesh në rrugë. Në këtë aks, disa prej urave janë të dëmtuara, prandaj rekomandohet të bëhet kujdes në qarkullim.
|
Të bëhet kujdes në zonat ku ka ngrica në rrugë, për shkak të temperaturave të ulëta të natës. Gjithashtu të bëhet kujdes në zonat ku ka rënie gurësh e materialesh në rrugë.
|
|
LEZHË |
Në të gjitha akset qarkullimi kryhet normalisht.
Në aksin Milot – Skurraj – Rrëshen është në gadishmëri 1 mjet, në aksin Ura e Zogut – Rubik – Rreshen eshte ne gadishmeri 1 mjet, ne aksin Rreshen – Tuneli i Thirres jane ne gadishmeri 3 mjete. 1.Në aksin Rrëshen – Tuneli i Thirrës, në zonat e quajtura : a. Mashterkovë km 26, b. Fan km 28.5, c. Bicak km 34, Në km 34 të këtij aksi rrugor ka ndodhur një shembje e madhe dhe menjehere në vend është vendosur sinjalistika e nevojshme . Megjithatë qarkullimi kryhet normalisht në këtë aks. |
Të bëhet kujdes dhe të respektohet sinjalistika rrugore.
|
