Ministri i Infrastrukturës, Damian Gjiknuri, tha se autostrada Tiranë-Durrës do rindërtim nga e para, per shkak te degradimit.
Ai u shpreh se bëhet fjalë për një investim prej 20- 30 milionë euro.
Megjithatë, për momentin rruga do të rivishet me një shtrat asfalti dhe më vonë pritet të rindërtohet nga fillimi.
“Doni të shikoni një shembull të qartë të degradimit të një aseti kombëtar: është rruga Tiranë-Durrës.
Për shkak të mbipërdorimit, mosndërhyrjeve në kohë, sot që flasim, jemi në pikën që ajo rrugë do ndërhyrje në shtrat, në thellësi, pra do gati një rindërtim nga e para.
Kemi marrë masat që të fillojmë këtë vit riveshjen e një shtrese të asfaltit, por që ajo rrugë në terma afatgjatë të ketë qëndrueshmëri dhe të kthehet në një rrugë me standarte, do rindërtuar.
Bëhet fjalë për vlera mbi 20-30 milion euro minimalisht, por që po bëhet studimi për të.
Vetëm për riveshjen do të harxhojmë 11 milion euro, për ta mbajtur disa vjet në parametra normalë. Nevoja për mirëmbajtjen prek dhe rrugët e reja për shkak të fenomeve të paparashikueshme”, tha Gjiknuri./a.m.
