Kreu aktual i Bashkisë Sarandë, Stefan Çipa, ka shpërthyer në akuza ndaj deputetit të Qarkut Vlore, Koço Kokëdhima dhe ndaj kryeministrit Rama. Shkak për këtë duket se është bërë moskandidimi i Çipës për një mandat të dytë.
Në një reagim në rrjetin social Facebook, Çipa thotë se nga ana e PS-së janë kryer sondazhe të falsifikuar të cilët e nxorrën atë humbës përballë kandidatës zyrtare Florjana Koka.
“ Kam mbetur i surprizuar, pasi sms të shumta kam marrë jo vetëm nga miq e shokë, nga bashkëpunëtorë e mbështetës, por edhe nga një masë e madhe njerëzish. Shumica e tyre kanë qenë e mbeten të panjohur për mua. Në një mënyrë, këta njerëz më futën në borxh, pasi as më kanë kërkuar dhe as kam bërë për ta ndonjë nder apo favor të personalizuar” – shkruan ndër të tjera ish-ministri i Brendshëm, i cili qe prej vitit 2011 iu dha mundësia të rikthehej në skenën politike si kryetar i Bashkisë Sarandë.
