Vladimir Putin tashmë ka shpallur “fundin” e luftës në Ukrainë, kanë pohuar zyrtarët në Kiev.
Ata mendojnë se dita e fundit e luftës do të jetë para 9 majit, e njëjtë datë kur Rusia ka festuar mposhtjen e nazistëve në Luftën e Dytë Botërore.
“Daily Mail” shkruan se Rusia po mban një paradë në Sheshin e Kuq të Moskës në atë datë çdo vit, për të shënuar dorëzimin e Gjermanisë naziste. Në një postim në Facebook, shtabi i përgjithshëm i Forcave të Armatosura të Ukrainës tha:
“Sipas informacioneve të disponueshme, në mesin e personelit të forcave të armatosura të Federatës Ruse, vazhdimisht po kryhet punë propagandistike, e cila imponon idenë se lufta duhet të përfundojë përpara datës 9 maj 2022”.
Ata gjithashtu pretenduan se institucionet mjekësore të Rusisë, të ngritura në territorin afër kufirit me Ukrainën, janë “të pushtuara nga ushtarakë të plagosur të Federatës Ruse që morën pjesë në luftën kundër Ukrainës dhe u ndeshën me njësi të forcave të mbrojtjes në luftim”.
Më tej ata shtuan:
“Si një çështje urgjente, armiku po merr masa për të rinovuar aftësinë luftarake të njësive ajrore, të cilat kishin pësuar humbje kritike si në njerëz ashtu edhe në pajisje ushtarake”.
Forcat e armatosura të Ukrainës thanë se pushtuesit rusë po përballen me “vështirësi të mëdha” në qytetet e Ukrainës dhe “nuk kanë mbështetjen e popullatës lokale”.
Ata pretenduan se, në Krime, një brigadë ruse mbajti një ceremoni për 100 anëtarët e vdekur të njësisë. Ata thanë se skena të ngjashme janë parë në qytetin e Sevastopolit, ku ata pretenduan se marinsat në flotën e Detit të Zi ishin vrarë.
Përditësimi i Forcave të Armatosura të Ukrainës tha se trupat ruse kishin ngritur një “kamp filtrimi” në Dokuchaivsk, në rajonin e Donetsk, për civilët që tentojnë të largohen nga qyteti i rrethuar i Mariupolit.
Ata pretenduan se njerëzit ishin detyruar të evakuonin Kreminën dhe Rubizhne përpara se të deportoheshin në rajonin e Voronezhit dhe se traktorët po u sekuestruan fermerëve në rajonin e Chernihiv, ndërsa trupat ukrainase kryen zjarr artilerie mbi një regjiment tankesh rus në rajonin e Kharvivit.
/b.h
Po të lexosh me kujdes deklaratën e djeshme të Kremlinit në një vend thuhet Ukraina e humbi shansin për teritoret e saj lindore,çka nënkupton se Rusia Krimenë do t’a zyrtarizojë pjesë të saj,kurse për Donjetskun dhe Luganskut ka kërkuar Republika popullore të pavarura nën ombrellën e Ukrainës,dhe gjuha ruse të jetë po zyrtare si ukrainishja në zonat rusishtfolëse sipas kushtetutës Ukrainës.