Kreu i grupit socialist, Taulant Balla, tha sot në Kuvend se Shqipëria dhe Maqedonia e Veriut i përmbushin kushtet për çeljen e negociatave.
Ai bëri thirrje për një bashkim të politikës sa i përket rrugës europiane.
Balla u ndal edhe tek sjellja e Partisë Demokratike në raport me mazhorancën, shkruan JavaNews.al
Ai tha se në maj 2017, Lulzim Basha dhe Sali Berisha ngritën çadrën dhe iu dha gjysma e qeverisë vetëm për të votuar një ligj të reformës në drejtësi.
“Luli mori çfarë deshi, përfshirë edhe drejtorin e Burgjeve. Se për çfarë i duheshin burgjet Lulzim Bashës, nuk e kuptojmë akoma” – tha kreu i Grupit të PS, raporton JavaNews.al
Taulant Balla u ndal edhe tek arrestimi i Klevis Balliut. Duke komentuar dhunën ndaj policisë ai tha se kush guxon të prekë uniformën do të ndëshkohet sipas Kodit Penal të ashpërsuar.
Ai ironizoi edhe protestën e opozitës, ndërsa shtoi se një grup politikanësh të korruptuar po pengojnë rrugën europiane të Shqipërisë.
“Çfarë kuptimi ka që qytetarët të presin derisa Luli, Mona, Saliu dhe Mziu të plotësojnë kuotën e protestës që kanë planifikuar” – tha Balla në Kuvend.
/javanews/a.rada
