Mund t’ju duket e pabesueshme, por postimi në Facebook në Etiopi mund t’ju sjellë dënim 3 deri në 5 vite burg. Qeveria etiopiane deklaroi fundjavën e kaluar se postimi në Facebook përbën shkelje të ligjit
Gjithashtu, shikimi i rrjeteve televizive si Oromia Media Network apo televizionin dhe radion satelite etiopiane të financuara nga diaspora e vendit që është përkrahëse e protestave, shteti e konsideron ilegale dhe është e dënueshme me ligj.
“Ushtria do të ndërmarrë masa ndaj atyre që postojnë në mediat sociale”, ka deklaruar ministri i mbrojtjes, Siraj Fegessa. Ata që i thyejnë ligjet e gjendjes emergjente të Etiopisë mund të futen në burg në afat prej tri deri në pesë vjet.
Grupet më të mëdha etnike në Etiopi, Oromo dhe Amhara janë duke protestuar kundër margjinalizimit të lirive dhe të drejtave të tyre nga partia e mazhorancës së vendit e dominuar nga minoriteti Tigray. Protestat intensive që kanë zgjatur një javë, kanë dëmtuar ndërtesat qeveritare dhe bizneset e ndryshme. Kështu kryeministri etiopian Hailemariam Desalegn ka deklaruar gjendjen emergjente më 9 tetor që do të vazhdojë për gjashtë muajt e ardhshëm.
Spiritus/d.i.
