Më thuaj sa rrudha ke dhe do të them se sa në rrezik është zemra jote! Për të pasur një ide se si është zemra jonë, gjëja e parë që duhet të bëjmë është që të përqendrohemi në rrudhat e pranishme në ballë dhe sa më shumë të jenë dhe sa më të thella, aq më shumë duhet të shqetësoni dhe të nisni riparimet me dietë dhe aktivitet fizik.
Është kjo ajo që kanë zbuar studiuesit francezë, të drejtuar nga Yolande Esquirol, e qendrës spitalore universitare në Tuluzë.
“Nëse nuk mund të shikoni faktorët e rrezikut kardiovaskular si kolesteroli i lartë dhe hipertensioni, rrudhat në ballë janë kambanë alarmi”, thonë studiuesit, të cilët këshillojnë që të tregohet më shumë kujdes me yndyrat në gjak dhe gliceminë si dhe me një stil më të shëndetshme jete.
Në studim u përfshinë 3200 persona në gjendje pune të cilët në fillim të studimit ishin të gjithë të shëndetshëm. Pjesëmarrësit në studim u ndoqën për 20 vite, gjatë të cilave 233 persona humbën jetën për shkaqe të ndryshme, shkruan noa.al.
Mes tyre 15.2% kishin 2, 3 rrudha në ballë, 6.6% një ose dy, dhe 2/1% nuk kishin asnjë shkruan noa.
Shkencëtarët konkluduan se personat që kishin më shumë rrudha ishin më të rrezikuar nga vdekja për shkak të problemeve kardiovaskulare në raport me ata që nuk kishin.
Hipoteza e studiuesve është se rrudhat në ballin tonë janë të lidhura në një mënyrë apo në një tjetër me arterosklerozën, përgjegjësja kryesore për infarktin dhe problemet kardiovaskulare./a.m.
