Nëse arrijmë të kuptojmë gjuhën e dhembjeve, mund t’i dallojmë dhe t’i kurojmë ato. Gjetja e shkaktarit të dhimbjeve në trup është shumë e rëndësishme për të identifikuar sëmundjet që na kanosin jetën.
Mund të mos duken të rrezikshme në fillim, megjithatë, po të informoheni mbi këto dhembje, mund të shpëtoni nga një sërë problemesh në atë ardhmen.
Këto janë 7 dhimbjet në trup që mund të jenë të rrezikshme, nëse injorohen, shkruan “gazeta shendeti”. Secila dhimbje nënkupton një problem të rëndë.
Zemër
Nëse keni dhimbje rreth krahasorit, atëherë mund të keni ndonjë problem me zemrën. Nuk duhet të injorohen sidomos dhimbjet në anën e majtë, pasi lidhet direkt me zemrën.
Mushkëri dhe diafragmë
Nëse keni dhimbje të vazhdueshme në njërën anë të qafës apo sipër supeve, duhet të konsultoheni me një mjek, pasi mund të keni probleme me mushkëritë dhe diafragmën. Ju mund të keni edhe probleme me frymëmarrjen, për shkak të nervit të diafragmës, i cili kalon nga shpina, nëpërmjet mushkërive, tek diafragma.
Mëlçi dhe tëmth
Dhimbjet në qafë dhe në shpatullën e sipërme mund të jenë tregues të problemeve me mëlçinë dhe tëmthin. Sipas Shoqërisë Amerikane të Terapisë së Masazhimit, “Dhimbjet në teh të shpatullave mund të lidhen me tëmthin”.
Stomak dhe pankreas
Rreth 50% e pacientëve me pankreatit akut kanë dhimbje në shpinë. Shenjat më të shpeshta të saj janë: diskomforti (parehatia) në regjionin e stomakut, dhimbja apo ndjesia e djegies në anën e majtë, e cila përhapet nga prapa në shpinë, të përziera dhe të vjella, të cilat përkeqësohen gjatë ngrënies së ushqimit.
Presioni i gjakut mund të rritet ose edhe të ulet, kemi rrahje të shpeshta të zemrës (takikardi) dhe shpeshtim të ritmit të frymëmarrjes (takipne).
Barku zakonisht është i tendosur dhe i dhimbshëm në prekje, pacientët zakonisht kanë edhe rënie në peshë (nga çrregullimi i enzimave të pankreasit që marrin pjesë në procesin e tretjes).
Në rastin kur sëmundja kronicizohet mund të çojë në shfaqjen e diabetit por edhe të kancerit të pankreasit.
Zorra e hollë
Dhimbja përreth kërthizës tregon se keni probleme me zorrën e hollë, si inflamacion, probleme me tretjen etj.
Zorrë e trashë dhe apendicit
Nëse keni dhimbje të forta në pjesën e poshtme të barkut, sidomos djathtas, mund të keni probleme me apendicitin. Në këtë rast duhet të vizitoheni tek një mjek.
Veshka
Disa njerëz që vuajnë nga dëmtimet në veshka mund të përjetojnë dhimbje në pjesën e poshtme të shpinës ose në anën e njëjtë me veshkën e dëmtuar.
Infeksionet e veshkave dhe gurët në veshka mund të shkaktojnë dhimbje të forta, shpesh spazma./dita/a.k
