- Duhet të bësh seks çdo natë me bashkëshortin për një martesë të lumtur: Nuk ka asgjë të keqe nëse nuk e bëni këtë, sepse ju nuk jeni robotë dhe ndonjëherë një pushim i mirë mund të sjellë seks edhe më të zjarrtë më pas.
- Duhet të arrini lehtësisht në orgazëm sa herë bëni seks: Për disa femra është tepër e vështirë të arrijnë orgazmën. Nuk ka asnjë problem të sugjeroni që të provoni diçka tjetër për ta bërë këtë të mundur ose edhe thjesht të dorëzoheni, nëse e ndjeni se s’ka për të ndodhur.
- Meshkujt nuk do t’ju duan nëse nuk depiloheni: Po sikur t’ju themi se depilimi është djallëzor?! Nëse ju pëlqen të jeni të depiluara, jeni OK. Por nëse e urreni depilimin, nuk keni pse të shqetësoheni për çfarë do të mendojë ai. Meshkujt që bezdisen nga një gjë e tillë, zakonisht nuk ia vlejnë për t’i pasur partnerë dhe për vete, fshehin pyllin e Amazonës aty poshtë.
4 . Menstruacionet janë të shpifura: Meshkujt që mendojnë këtë janë 14-vjeçarë me një poster të Justin Bieber të varur te koka e krevatit. Nëna Natyrë, njerëz!
- Seksi oral është i detyrueshëm: Nuk duhet të mendoni kurrë se “DUHET” të bëni seks oral. Edhe nëse ai ju bën të ndiheni në faj, sepse jeni me ato. Edhe nëse ai jua shtyn kokën poshtë. VEÇANËRISHT nëse ai jua shtyn kokën poshtë.
- Nëse bëni vetëm pozicionin e misionarit, jeta juaj seksuale është e mërzitshme: Në fakt ky pozicion është i thjeshtë dhe të lejon të puthesh ndërkohë që bën seks. Pozicionet e ndërlikuara janë interesante, por ndonjëherë njerëzit janë shumë të lodhur për të provuar “helikën e pasionit” apo gjëra të tilla.
- Seksi nuk shijohet njëlloj nga ai, nëse ti “e detyron” të vërë prezervativ: Seriozisht e keni? Ndoshta atij do t’i pëlqejnë pelenat dhe të qarat 9 muaj më vonë ose ndonjë sëmundje seksuale e këndshme.
- Je kot nëse “nuk e mbaron atë që fillove”: Ju ka ndodhur ndonjëherë të shkoni në restorant dhe të mos e mbaroni pjatën, sepse ushqimi s’ju pëlqen dhe pastaj kamerieri t’ju pyesë pse nuk e mbaruat atë dhe ju të vazhdoni të hani, ndërkohë që ai ju qëndron mbi kokë? As ne. Mund të ndaloni në çdo kohë, nëse nuk ndiheni mirë.
- Duhet të pranoni të provoni çdo gjë të paktën një herë: Kjo zakonisht përmendet, kur një mashkull ju kërkon të bëni seks anal. Por ju mund të jeni një femër seksualisht aventuriere me shpirt të lirë sipas kushteve tuaja, jo të tijat. Dhe nëse kjo nënkupton shmangien e gjërave të caktuara në seks, atëherë kështu qoftë.
- SST-të ju bëjnë të pisët: A mund të ndalojmë së thëni se, nëse nuk keni sëmundje seksualisht të transmetueshme, jeni “të pastër”?! Të pasurit e një sëmundjeje të tillë nuk bën askënd të pisët, thjesht janë njerëz, që duhet të tregohen të hapur me partnerët, më të kujdesshëm në raporte seksuale dhe të përdorin TË TMERRSHMIN PREZERVATIV.
- Nëse nuk arrini në orgazëm në të njëjtën kohë, nuk jeni të sinkronizuar: Kushdo që ka pak eksperiencë seksuale, e di që një gjë e tillë gati nuk ndodh kurrë, kështu që mos u ndjeni keq për këtë.
- Ajri që del nga vagina=gazra: Ajo zhurmë që është e ngjashme me çlirimin e gazrave në fakt është thjesht ajri që gjatë seksit ka hyrë në vaginë dhe që në një moment duhet të dalë. Qeshni me këtë ose injorojeni, por kurrsesi mos u vini në siklet.
- Një femër është e eksituar vetëm kur është e lagur: Mund të jeni duke bërë seks me Channing Tatum dhe prapë vagina juaj të luajë rolin e shkretëtirës së Saharasë. Mos kini turp të përdorni lubrifikant.
- Sa më shumë zgjat seksi, aq më mirë: Jo. Kjo mund të shkaktojë lodhje e madje edhe rrjepje të lëkurës në zonat delikate.
- Nëse ju pëlqen të dominoheni në shtrat, do të thotë se në jetën e përditshme jeni njeri i dobët: Ju nuk jeni fantazia juaj seksuale, kështu që ndihuni të lirë të flisni me partnerin mbi atë që dëshironi dhe ju eksiton.
- Duhet thjesht të jeni mirënjohëse që ai ju bën seks oral: Askush nuk do të rrijë aty poshtë dhe thjesht të bëjë rolin e fshesës me korrent, sepse dikush ka turp ta kërkojë, kështu që jepni disa këshilla dhe të dy do të jeni më të lumtur.
- Meshkujt vdesin për të brendshme seksi: Meshkujt hutohen dhe i kanë frikë të brendshmet seksi. Mos harxhoni para kot.
(Marrë nga Gazeta Shqiptare/BalkanWeb)
