Senatorja amerikane, Jeanne Shaheen ka kritikuar Bashkimin Europian për dështimin e arritjes së konsensusit në Këshilli për të filluar bisedimet e anëtarësimit me Shqipërinë dhe Maqedoninë e Veriut, duke thënë se kjo hap derën për një ndikim më të madh nga ana e Rusisë.
“Ne i sigurojmë Ballkanit mundësinë që të shohë drejt Perëndimit dhe jo të kthehet pas, drejt Rusisë dhe Lindjes”, tha senatorja demokrate e New Hampshire, Jeanne Shaheen në fjalën e hapjes në seancën në nënkomitetin e Senatit për Europën dhe Bashkëpunimin rajonal të Sigurisë.
“Dhe sa herë që ne dështojmë ta bëjmë këtë gjë, siç mendoj se BE bëri kohët e fundit, kjo i dërgon një mesazh shumë të fortë Ballkanit Perëndimor se, ata nuk duhet të vazhdojnë me reformat, se ata nuk duhet të vazhdojnë të shohin në Perëndim dhe të përqafojnë vlerat e Perëndimit”, theksoi ajo.
g.kosovari
