Ish-deputeti i PD Astrit Patozi ka reaguar pas mbledhjes së djeshme të Këshillit Kombëtar të PD kur u prezantuan edhe ndryshimet e reja statutore.
Përmes një statusi në rrjetet sociale, Patozi ka ironizuar Bashën teksa fton kritikët të mos e krahasojnë me udhëheqësin komunist kinez.
“Mos e krahasoni kot me Kinën. Po shoh që po e krahasojnë këtë statutin e ri të Partisë Demokratike me ndryshimet në kushtetutën kineze. Dhe po e trajtojnë sikur Lulzim Basha po ndjek modelin e Presidentit te Kinës, Xi Jinping, i cili, që prej Kongresit të fundit, mund të qëndrojë perjetë në atë post.
Më duket pasaktësi e madhe, pervecse një fyerje e rëndë për popullin vëlla kinez. Sepse në Pekin i kane dhënë mundësi për të qëndruar pa kufizim në pushtet fituesit, kurse në partinë e Lulit është shenjtëruar “fitorja” e përjetshme e humbësit”, shkruan Patozi./a.m.
