Kryeministri Edi Rama ka ironizuar deklaratën e kryetares së LSI, Monika Kryemadhi e cila nga Vora, një ditë më parë i kërkoi qytetarëve të strehuar në banesa pas dëmtimeve nga tërmeti të mos dalin nga shtëpitë.
Rama tha nga Farka se qytetarët janë të zgjuar duke ironizuar se “ata nuk do e marrin karremin e Monikës për të rënë në tiganin e saj”.
Rama shkëmbeu batuta me 4 familjet e së njëjtës kurorë që morën në dorë çelësat e banesës, ndërsa mori disa sekonda për të kthyer maskën në anën e duhur pasi e kishte vënë mbrapsht.
“Pse nuk thoni që e kam maskën mbrapsht unë, e paskam kthyer PS me kokë poshtë, apo kështu e doni ju”, u shpreh Rama, duke shkaktuar edhe të qeshura.
Në fund kreu i qeverisë shkëmbeu batuta edhe me kryebashkiakun e Tiranës Erion Veliaj i cili kërkoi që si mbyllje të shkrepnin një foto bashkë me banorët që sot u futën në shtëpinë e rindërtuar.
Pjesë nga biseda:
Rama: Shyqyr që nuk keni pasur konflikte sherre. E mbajmë llafin ne socialistët që thoni se gënjejmë. Ti e paske shtëpinë më të madhe apo je demokrati më i madh
Banori: Jo nuk jam demokrati më i madh jemi içik më shumë ne
Rama: Disa i kanë pasur dokumentet, disa jo se kështu i lanë këta të PD-së, çorap.
Veliaj: Kishin vajt disa politikanë në Vorë i thonin mos dilni nga shtëpia. I thoshte rri rreziko jetën dhe vidh lekët e shtetit
Rama: Kush ishte, këta?
Veliaj: Jo nuk ishte PD ishte një parti tjetër, Monika me këta
Rama: Aaa, ishte tigani. Si mund t’i thuash njerëzve mos dilni nga shtëpia. Në këtë pikë i dashur kemi të njëjtin hall me këta.
O ju, ose ne na qepen me tigan në dorë dhe thonë duam peshk. Ky është helmi i përditshëm por njerëzit nuk janë budallenj. Nuk i hanë këto lloj karremash për të përfunduar në tiganin e Monikës.
Po nejse mos ta prishim tani. Po mirë ishte sa po mos me na marrë sysh.
Veliaj: Do bëjmë një fotografi siç jeni kthehuni andej
Rama: Se lali pa fotografi nuk e mbyll (qesh).
/e.rr
