Mediat serbe kanë pasqyruar gjerësisht lajmin për ekstradimin e Ballist Morinës nga Kroacia.
“Ismail Morina, njeriu që lëshoi dronin në ndeshjen mes Serbisë dhe Shqipërisë në Beograd, do japë llogari në vendin tonë”, e nis shkrimin gazeta serbe “Blic” për ekstradimin e Ismail Morinës, referuar vendimit të gjykatës së Dubrovnikut.
Po ashtu, mediat serbe kanë pasqyruar edhe deklaratat e fmailjarëve të Morinës, që e cilësojnë vendimin “drithërues”.
“Gjykata e qytetit kroat mori vendimin për të dërguar njeriun që shkaktoi kaos të përgjithshëm në ndeshjen e kualifikimit për Kampionatin Evropian në Serbi për një çështje të drejtë”, shkruan gazeta “Blic”.
Ndërkohë në lidhje me çështjen ka reaguar zyrtarisht edhe shteti shqiptar që i kërkon Kroacisë rrëzimin e kërkesës serbe për ekstradimin e Morinës./a.m.
