Një 52-vjeçar nga Korça është arrestuar nga policia, pasi akuzohet se ka rrëmbyer dhe ka mbajtur peng për një javë një 24-vjeçare, raporton Balkanweb. Qëllimi i pengmarrjes ishte për ta detyruar të tërhiqte kallëzimin që ajo kishte bërë ndaj djalit të tij.
Burime zyrtare nga policia bëjnë të ditur se Qazim Qazimaj është arrestuar, pasi dyshohet se nga data 27.12.2015 deri në datën 02.01.2015, ka mbajtur në banesën e tij, shtetasen V.SH, 24 vjeç, me qëllim që djali i tij, shtetasi Urim Qazimaj të dilte nga burgu, si edhe shtetasja V.SH, të përgënjeshtronte kallëzimin e datës 24.12.2015.
“Në vijim të informacionit datë 24.12.2015, i cili bën fjalë për arrestimin e dy shtetasve, Urim Qazimaj dhe Mersin Myrtollari, për veprën penale “Rrëmbimi ose mbajtja peng e personit” kryer në bashkëpunim, ju informojmë se : Nga ana e Specialistëve të Seksionit për Krimet e Rënda, u bë kapja dhe arrestimi në flagrancë i shtetasit Qazim Qazimaj, 52 vjeç, banues në fshatin Pojan. Arrestimi i këtij shtetasi u bë pasi, dyshohet se nga data 27.12.2015 deri në datën 02.01.2015, ka mbajtur në banesën e tij, shtetasen V.SH, 24 vjeç, me qëllim që djali i tij, shtetasi Urim Qazimaj të dilte nga burgu, si edhe shtetasja V.SH, të përgënjeshtronte kallëzimin e datës 24.12.2015.
Materialet i kaluan Prokurorisë të Krimeve të Rënda në Tiranë, për veprën penale “Rrëmbimi ose mbajtja peng e personit në rrethana lehtësuese” parashikuar nga neni 109/a i Kodit Penal”, thuhet në njoftimin e policisë së Korçës.
BW
